ಗೀಚು ೧:
ನಾನು ವಿಜ್ಞಾನವನ್ನು ನಂಬುತ್ತೇನೆ
ಭೌತಶಾಸ್ತ್ರದಲ್ಲಿ ಹೇಳಿಲ್ಲವೇ ,
ಒಂದು ಜಾಗವನ್ನು, ಒಂದೇ ಸಮಯದಲ್ಲಿ
ಎರಡು ವಸ್ತುಗಳು ಆಕ್ರಮಿಸಲು ಸಾಧ್ಯವಿಲ್ಲ ...!!!
ಅಂತೆಯೇ, ನಿನ್ನ ಎದೆಗೂಡನ್ನೆಲ್ಲ ನಾನೇ ಆಕ್ರಮಿಸಿರುವಾಗ
ಬೇರೆ ಇನ್ನಾರು ಅಲ್ಲಿರಲು ಸಾಧ್ಯ...???
ನಾನು ವಿಜ್ಞಾನವನ್ನು ನಂಬುತ್ತೇನೆ........
ಗೀಚು ೨ :
ಈಗೀಗ ನನಗೆ ಅನಿಸುತಿದೆ
ನಿನ್ನ ಹೃದಯವನ್ನು ಯಾರೋ ಅತಿಕ್ರಮಣದಿಂದ
ಸೇರಿದ್ದಾರೆ ಎಂದು......
ಅಂತೆಯೇ ನಾನು ಪಾಲಿಕೆಗೆ ಕಂಪ್ಲೇಂಟ್ ಕೊಟ್ಟಿರುವೆ
ಅತಿಕ್ರಮಣದ ಜಾಗೆಯನ್ನು
ತೆರವುಗೊಳಿಸಲು.....
ಮತ್ತು ಅನುಮತಿಯನ್ನು ಪಡೆದಿರುವೆ
ಅಲ್ಲೊಂದು ನನ್ನ ಕನಸಿನ,ಆಸೆಯ ಬೃಹತ್
ಇಮಾರತನ್ನು ಕಟ್ಟಲು.........:):)
ಗೀಚು ೩:
ಗೆಳೆಯಾ ನನ್ನ ಕಣ್ಣುಗಳು ದಣಿದಿವೆ
ನಿನ್ನ ಹಾದಿ ಕಾದು ಕಾದೂ
ಅವುಗಳಿಗೀಗ ವಿಶ್ರಾಂತಿ ಬೇಕಿದೆ,
ನನ್ನ ನಿಟ್ಟುಸಿರುಗಳ ಮತ್ತು ಕಣ್ಣೀರಿನ
ಬಿಸಿ ಸಾಕಾಗುವುದಿಲ್ಲವಂತೆ...!!!
ನಿನ್ನ ತಂಪು ತುಟಿಗಳಿಂದ ಹೊರಚಿಮ್ಮುವ
ನಿನ್ನೊಡಲಿನ ಬಿಸಿ ಉಸಿರೇ ಬೇಕಂತೆ
ಬಂದೊಮ್ಮೆ ಚುಂಬಿಸುವೆಯಾ
ಈ ದಣಿದಿರುವ ಕಂಗಳನು....???
No comments:
Post a Comment