ಅಮಲು 

ನಿನ್ನ ಘಮದ ಅಮಲಿನಲ್ಲಿ ತೇಲುತ್ತಿದ್ದೆ

ನೀ ಕಂಪು ಸೂಸುವ ಕಸ್ತೂರಿ ಮೃಗ

ನಾ ಮೋಹಗೊಂಡ ಹರಿಣಿ  ಎಂದುಕೊಂಡೆ

ಆಮೇಲಷ್ಟೇ ಗೊತ್ತಾದದ್ದು ....

ಅದು Park Avenue's Good morning Deo spray ಎಂದು.... !!

ಕಾರಣ 

ನೀನ್ಯಾಕೆ ನನ್ನ ಹುಚ್ಚಿಯಂತೆ ಪ್ರೀತಿಸುತ್ತೀಯ..??

ಕೇಳುವ ದರ್ದು ನಿನಗೂ ಬೇಡ 

ಹೇಳುವ ಹರಕತ್ತು ನನಗೂ ಇಲ್ಲ 

ಕೇಳಲೇಬೇಡ ಕಾರಣ, ಯಾಕೆಂದರೆ

ಮೆದುಳಿನ ಎಡಭಾಗ ಕೆಲಸ ಮಾಡುವುದ ನಿಲ್ಲಿಸಿದೆ

ಸಂಪೂರ್ಣವಾಗಿ ...!! 

ನಾ ಕಲ್ಲಾಗಿ ಬಿಡಬೇಕು ಮತ್ತೆ

ನೀ   ಕೆತ್ತಿದ ಚಿತ್ತಾರ, ಆಕಾರಗಳನ್ನೆಲ್ಲ

ಅಳಿಸಿ, ಸವೆಸಿ...

ಸುರಿವ ಮಳೆಗೆ ಒಡ್ಡಿಕೊಂಡು, ಚಿತ್ತಾರದ  ಸಂದಿಯ

ಧೂಳನ್ನೆಲ್ಲ ತೊಳೆದು ಕೊಚ್ಚ್ಚಿ

ಭೋರ್ಗಲ್ಲಾಗಿ ಬಿಡಬೇಕು ಮತ್ತೆ... 

ಆದರೆ ಒಂದೇ ಸಂಶಯ, ಆತಂಕ,

ತೊರೆದಾವೇ ನಿನ್ನ ಉಳಿಪೆಟ್ಟಿನ ನಿಶಾನೆ.. ??

ನಗು 

1.ಅವ ಕವಿತೆ ಬರೆಯುತ್ತಾನೆ 

 ನಾ ಮುಗುಳುನಗುತ್ತೇನೆ 

 ಮತ್ತೆ ಬರೆಯುತ್ತಾನೆ 

 ನಾ ನಗುತ್ತೇನೆ... 

2. ಅವನು  :

ನಿನ್ನ ನಗು ಅಂದ್ರೆ ನಂಗೆ ತುಂಬಾ ಇಷ್ಟ  

ಅದು ತುಂಬಾ ನ್ಯಾಚುರಲ್ಲು .. 

ಅದ್ಹೇಗಪ್ಪಾ..??

ಹೇಗಂದ್ರೆ ನಿನ್ ಜೊತೆ ನಿನ್ನ ಕಣ್ಣೂ ನಗುತ್ತೆ...