ಪ್ರೇಮ ಶ್ರಾವಣ 

ಕಣ್ನಿನ ರೆಪ್ಪೆಗಳಡಿಯಲಿ ನೆನಪಿನ ದೀಪಗಳ ಸಾಲು

ಸಾಕಾಗಿದೆ ಈ ನೆರಳು ಬೆಳಕಿನ  ಆಟದ ಗೀಳು …

ಅವ ಹೇಳುತ್ತಾನೆ, ವೇಳೆ ಇಲ್ಲ ಈಗ ಪ್ರೀತಿಗೆ

ಕೊಂಚ ಸಾವರಿಸಿಕೊ, ಸ್ವಲ್ಪ ತಡೆ

ಏನೇನೂ ಅವಸರಿಸಬೇಡ, ಈಗಲ್ಲ ಮುಂದಿದೆ ಪ್ರೇಮ ಶ್ರಾವಣದ ಹೋಳಿಗೆ…!!!

ನಾ ಕೇಳುತ್ತೇನೆ, ಪ್ರೇಮಕ್ಕೂ  timetabale ಲ್ಲೇ..??

ನೀ ಹೇಳಿದಾಗ  ಉಕ್ಕಿ ಬರದಿದ್ದರೆ ಈ ಭಾವ..??

ಕೊನೆಯಿಲ್ಲವೆ ಈ ಕಾಯುವಿಕೆಯ ಸಂಕೋಲೆಗೆ..??

ಅವ ನಗುತ್ತಾನೆ, ತುಟಿಯಂಚಲ್ಲೆ, ಕಣ್ನ ಸನ್ನೆಯಲ್ಲೇ..

ನಾ ಜ್ವಾಲಾಮುಖಿಯಾಗುತ್ತೇನೆ ನಿಂತಲ್ಲಿ

ಕಣ್ನಲ್ಲಿ ಲಾವಾರಸ  ಉಕ್ಕುತ್ತದೆ

ಮತ್ತೆ ಶಾಂತಿ ಸಮಾರೋಹ

ಕರಗುವಂತೆ ಮಾಡುತ್ತಾನೆ ತನ್ನ ಬಾಹುಬಂಧನದಲ್ಲಿ

ಮತ್ತು ಪಿಸುಗುಡುತ್ತಾನೆ ಕಿವಿಯಲ್ಲಿ

ಈಗಲ್ಲ ಮುಂದಿದೆ ಪ್ರೇಮ ಶ್ರಾವಣದ ಹೋಳಿಗೆ…!!!!