ಚುಮು ಚುಮು ಮಂಜಾವಿನಲ್ಲಿ, ನೆತ್ತಿ ಸವರಿ, ಮುದ್ದುಮಾಡಿ ನಿನ್ನನೆಬ್ಬಿಸುವೆ, ಬ್ರಷ್ ಗೆ ಪೇಸ್ಟು, ಮುಖ ತೊಳೆಯಲೊಂದಿಷ್ಟು ಹಿತವಾದ ಬಿಸಿನೀರು.. ಬಿಸಿ ಬಿಸಿ ಕಾಫಿಯೊಡನೆ ಇಕೋ ಬಿಸಿ ಸುದ್ದಿ ಹೊತ್ತು ತಂದ ನ್ಯೂಸ್ ಪೇಪರ್ರು, ಸುದ್ದಿ ಇಷ್ಟ ಆಗಲಿಲ್ಲವೇ, ನಾ ಪುಟ ತಿರುವುವೆ..

ಮತ್ತೆ ನಿನ್ನ ಆಫೀಸಿಗೆ ಟೈಮಾಯಿತು, ಏಳು ಬೆನ್ನುಜ್ಜಿ ಸ್ನಾನ ಮಾಡಿಸಿ ಒಂದಷ್ಟು ಘಮ ಘಮ ಸೆಂಟು ಪೂಸುವೆ.. ಇಂದು ಸೋಮವಾರವಲ್ಲವೇ ತಗೋ ನಿನ್ನ ನೆಚ್ಚಿನ ,ಶುಭ್ರವಾಗಿ ಒಗೆದು ಗರಿಗರಿ ಇಸ್ತ್ರಿ ಹಾಕಿದ ಬಿಳಿ ಶರ್ಟು ಜೊತೆಗೆ ಬಿಳಿ ಕರ್ಚೀಫು..

ಮಲ್ಲಿಗೆ ಹೂವಿನಂಥ ಇಡ್ಲಿಗೆ, ಹದವಾಗಿ ಮಸಾಲೆ ಬೆರೆಸಿದ ಸಾಂಬಾರು, ಮೇಲೊಂದಿಷ್ಟು ಗಟ್ಟಿ ಚಟ್ನಿ, ಬಾಯಿ ಚಪ್ಪರಿಸುತ್ತಾ ತಿಂದು ಬಿಡು,

ಗಂಟೆ ಎಂಟಾಗೇ ಹೋಯಿತು, ಇಕೋ ನಿನ್ನ ಲ್ಯಾಪ್-ಟಾಪ್ ಬ್ಯಾಗು, ವಾಚು, ರೆಡಿ, ಮತ್ತೆ ಈ ಫೈಲು ಎತ್ತಿಕೊ, ಕಾರಿನ ಕೀಯಂತೂ ಇಲ್ಲೇ ಇದೆ, 

ಹಣೆಗೊಂದು ಹೂ ಮುತ್ತನಿಟ್ಟು ನಡೆದೇ ಬಿಡು.. :-)